بقلم: هنا محمد

حبيتك
و دا السر اللى فى قلبي ميعرفهوش مخلوق
من نار قسوتك و حنيتك قلبى كان مخنوق
حب عمرى و نور عينى اللى روحى فيه
عمرى كله ميغلاش و الله عليه
من ضحكته بنيت فى خيالى اجمل بيت
و ساعات جفاه عليا قادر يهد البيت
كأننا اتنين بحر و نقطه زيت
ممنوع يجتمعوا
و دا حكم الطبيعه مش اتيكيت
ساعه احتياجى هو وقت غيابه
و ياما بكيت على بابه و انتهيت
قلبي على دموعه و جراحه مغلوب
تعبت وانا فى الصبر مش ايوب
انا مستاهلش بالطريقة دى اتساب
من غير مبرر و من غير أسباب
بس انا كملت
لانى حبيت اكمل معاك حتى الغرق
غمضت عنيا و ركبت مركب ورق
حبي ليك ملهوش عندى نهاية
هو قلبي الحزين اللى حبك من البداية
عشت سنين طويلة ويا الآسية
و عمرى ما توقعت منك يا حبيبي أذية
انت الوحيد اللى تمنيته اب لاولادى
انت الصاحب و الحبيب و كل اعيادى
لكنه سابنى بحجج بايخه
و قتل جوايا الامل و قتل جوايا الفرحه
الجرح فى قلبي كل ليلة بسببه يبات
و بعد حب سنين قالى خلينا اخوات