كتب / أحمد حربي

الإخوات مش مجرد ناس اتربينا مع بعض في بيت واحد، الإخوات هم أول أصحاب في حياتنا، وأول حد نتعلم معاه الضحك والزعل والخناقات اللي آخرها صلح. يمكن نزعل من بعض، ويمكن تبقى بينا مسافات أو خلافات، لكن في الآخر الدم عمره ما يبقى ميّه.

الإخ مش بس كلمة… الأخ ضهر.
الأخ هو اللي ممكن يزعلك، لكنه أول واحد يزعل لو حد غيره زعلك.
الأخ هو اللي ممكن تختلفوا، لكن عمره ما يرضى يشوفك مكسور.

كبرنا ويمكن الحياة خدت كل واحد في طريق، لكن الذكريات اللي بينا عمرها ما بتضيع: لعبنا سوا، وضحكنا سوا، واتخانقنا سوا… وكل ده كان بيصنع رابطة أقوى من أي حاجة.

لو كنت زعلان من إخواتك يوم، افتكر إنهم أقرب الناس ليك، وإن الدنيا من غير إخوات ملهاش طعم. يمكن كلمة حلوة أو خطوة صغيرة ترجع كل حاجة زي زمان… ويمكن أحسن.

ربنا يديم إخواتي في حياتي، ويخليهم دايمًا سند وضهر، لأن الأخ الحقيقي نعمة كبيرة محدش يحس بقيمتها غير اللي عنده إخوات.